Amancia Brokers napilde na gyud

Cebu - Ang MJDL Brokers ni coach Gigi Ylana mipahamtang sa Amancia Brokers sa ilang labing unang pilde sa upat ka duwa, 81-70 sa bugtong duwa sa 35-below division sa 14th Collector’s Cup basketball tournament didto sa Don Vicente Sotto Memorial Gym sa brgy. Punta Princesa, ning siyudad.

Ang high-leaping nga si Jaymar Elloren ug ang beteranong commercial player nga si Danny Infantado maoy nangu sa MJDL pinaagi sa ilang 19 ug 17 puntos, samtang laing tulo ka teammates ang mikulit og double figures.

Si Freddie Ninel mao sab ang nangulo sa 3-1 nga Amancia Brokers sa iyang 20 puntos.

Sa laing duwa, ang Mactan Hotmen nga gipangulohan ni Junnie Ararao mimasaker sa Enforcement Security Service (ESS), 94-66 sa 35 years old above category.

Ang Hotmen ni coach Dacky Ugay miinat sa ilang walay pildeng rekord sa tulo ka duwa, samtang ang ESS nakatilaw sa ilang ikaduhang pilde.

Mikulit og double victory ang MJDL dihang ilang gipukan ang District Collector’s Office, 68-59 sa 35-above category.

Si Noel Medalle mipabuto og 23 puntos ug si Inting Bacalla midugang og 15 diin ang MJDL miposte sa ilang ikaduhang daog sa tulo ka duwa. 

Si Litoy Gacquing adunay 13 puntos, samtang si Joseph Jayme wala makabuylo ug igo lang kini mikulit og season-low 11 puntos alang sa District Collector’s Office ni Atty. Paul Alcazaren nga nagbitbit og 2-2 win-loss record.

Puntos Matag Usa

Unang duwa: (35 years above)

MJDL (68) - Medalle 23, Bacalla 15, Badon 4, Lopez 4, Jordan 4, Sampelo 4, Baillo 3, Martinez 2, Logarta 2, Nioda 2, Nacario 2, Lambayan 1

District Collector’s Office (59) - Gacquing 13, Pagahansol 12, Jame 11, Alinsug 6, Pernito 6, Gerundio 4, Alo 2, Borromeo 2, De Hoya 2, Reyes 1

Ikaduhang duwa:(35 years below)

MJDL (81) - Elloren 19, Infantado 17, Trangia 14, Abellana 12, Gelbolingo 10, Medalle 4, Pacion 3, Gurrea 1, Villacastin 1

Amancia (70) - Ninel 20, Tundag 14, Potencioso 12, Aliposa 7, Onate 6, Manulat 4, Lordova 4, Miscala 2. - Gabby G. Malagar (BANAT NEWS)