CEBU - Gatosan ka runners ang magginukdanay sayo ning buntag sa pagsikad sa 2nd Mizuno-Asia Miles Half-Marathon diha sa Asiatown I.T. Park sa brgy. Apas.
Ang tinuig nga lumba nga usa sa mga highlights sa Sinulog festivities adunay duha ka dibisyon -- 21-K ug 5-K run.
Ang maong lumba migahin og P40,000 nga ganting salapi alang sa mga mananaog. Ang mga mananaog hatagan sab og medalya ug sertipiko.
Gitukod sa Mizuno ug Asia Miles uban sa patambayayong sa Mazda, Holiday Gym & Spa, Philamlife, Adrenaline X, The Freeman, Y101 ug Sustagen Premium, ang maong lumba hiniusang gipasiugdahan sa Cebu Executive Runners Club (CERC) ug A.S.A.P. Cebu Advertising Services and Promotions.
Ang CERC usa ka non-profit organization nga gilangkuban sa mga running enthusiasts kinsa mga professionals gikan sa nagkalain-laing mga kurso.
“The 21K Marathon is the only race in Cebu sanctioned by the PATAFA (Philippine Amateur Track and Field Association (PATAFA) and held as part of the Sinulog so definitely it is the running event to beat,” said CERC president Jesse Taborada.
Ang tanang 21K finishers makadawat og souvenir shirt. Ubang freebies ang ripahon atol sa awarding ceremony. (BANAT NEWS)