Gemmary/Ho Tong mikulit na sab og daog

Cebu - Mikulit na sab og laing daog ang Batch ’70 nga gipaluyohan sa Gemmary/Ho Tong Hardware pinaagi sa paglubong sa Batch ’90 Maglev, 77-57 sa San Carlos Boys High Alumni Basketball Association (SCBHABA) Atan Guardo Barkadahan Cup niadtong Domingo didto sa USC North Campus gym.

Ang Batch ’70 nagtangag og 6-5 nga baraha ug nagkinahanglan na lang og duha ka daog aron mo-abante sa semifinals.

Wala gihapon kapugngi si Jingjing Gacayan kinsa mao na sab ang nangu sa Batch ’70 pinaagi sa paghakot og 24 puntos, miabag sab si Bernie Villarosa nga mi-iskor og 20 puntos.

Ang Batch ’70 igo lang nakalabaw og singko puntos, 20-15 human sa first period, apan nakasikit ang Batch ’90 sa second quarter. Hinuon, dali kining nailog sa Batch '70 pagsugod sa third period pinaagi sa krusyal nga baskets ni Audie Medina.

Puntos Matag Usa

Gemmary-Ho Tong Batch ’70 (77) - Gacayan 24, Villarosa 20, T. Merced 8, Medina 6, Rebollido 6, J. Merced 6, Monterroyo 4, Nabua 3

Maglev-Batch ’90 (57) - Sievert 18, Tio 14, Ranili 9, Lawas 8, Quirocot 6, Quico 2. – BANAT NEWS