Concepcion bag-ong WBC International featherweight champion
CEBU - Naangkon ni NABF super bantamweight champion Bernabe 'Llave' Concepcion ang bakanteng WBC Intercontinental featherweight title pinaagi sa pagpahunong sa ikalimang round si Sande Otieno niadtong miaging gabii didto sa Araneta Coliseum, Quezon City.
Yano kaayong gipatikangkang sa Pinoy ang Kenyan ug gilumsan kini sa naghaguros nga mga suntok.
Nabangog si Otieno sa ikaduhang hugna tungod sa makabungog nga kusog nga gibuhian ni Concepcion.
Si Concepcion mibuhi sa makusog nga right straights hinungdan nga misurender ang nagkadugong si Otieno.
"Di ako nasaktan, First round pa lang nalaman kong kaya ko ang suntok n'ya," matud pa ni Concepcion
Tungod sa maong kadaugan, naglaum karon si Concepcion nga matagaan og usa ka world title fight.
Si Concepcion miinat sa iyang rekord ngadto sa 28-1-1, samtang si Otieno natagak ngadto sa 16-2.
Sa laing bahin, lakip sa mga posibleng ikasangka ni Concepcion mao sila si WBO champion Steven Luevano ug ang kanhi karibal ni Pacquiao nga si WBC champion Oscar Larios. (BANAT NEWS)
- Latest
- Trending
