Lola Carmen misakmit sa liderato sa LAYA 1st Ritchie Osmeña Cup
Cebu - Gipukan sa Lola Carmen Chicharon ang Maroon Saint, 87-75 aron pagsakmit sa liderato sa nagpadayong Labangon Youth Association (LAYA) 1st Ritchie Osmeña Cup sa miaging gabii didto sa Labangon Sports Complex.
Wala kapugngi si Noel Medalle, kinsa mibugha og 22 puntos aron pangulohan ang Lola Carmen nga nagkupot karon og 4-1 nga baraha ug ingon man pag-ilog sa liderato nga nanggamot na sa mga kamot sa Criminal Intelligence and Investigation Bureau (CIIB).
Ang CIIB midailos karon sa ikaduhang puwesto nga nagbitbit og 3-1 nga baraha.
Giabagan sab si Medalle nilang Gil Sasan ug Michael Manubag nga parehong mi-iskor og 14 puntos, samtang laing duha ka kaubanan ang mi-iskor og 10 puntos matag usa.
Ang 2-3 nga Maroon gipangulohan ni Kikoy Mancera pinaagi sa iyang 23 puntos.
Sa laing duwa, ang Trisha and Tracy midaog batok sa Yellow team sa iskor nga 78-63.
Si Jade Flores maoy nangulo sa Trisha and Tracy pinaagi sa iyang 30 puntos, samtang ang pilderong Yellow gipangulohan ni Mike Herenia sa iyang 15, gisundan ni Eric dela Cerna nga mihipos og 14 puntos.
Ang mga duwa sa LAYA gidumala nila ni LAYA president Robbie Ylanan uban sa iyang mga advisers nga sila si police Supt. George Ylanan ug Mark Ylanan.
Puntos Matag Usa
Unang duwa:
Lola Carmen (87) -- Medalle 22, Sasan 14, Manubag 14, Uy 10, Gallardo 10, Villaraza 4, Allanic 3, Ylanan, Alega 2, Piscat 2, Carmeniza 2
Maroon (75) -- Mancera 23, Pardinilla 10, Abella 10, Marzon 9, Disella 9, Bacalla 9, Laresma 5
Ikaduhang duwa:
Trisha and Tracy (78) -- Flores 30, Nemeño 12, Romanos 9, Abines 6, Sacedon 5, Navaja 4, Dadang 4, Boysillo 4, Magkilat 2, Dayondon 2
Yellow (63) -- Herenia 15, Dela Cerna 14, Marzon 12, Belarmino 7, sison 6, Campanilla 5, Camacho 4. - Gabby G. Malagar (BANAT NEWS)
- Latest
- Trending
