Cyclists mag-abot sa "Tour ni Frank" karong Enero 31

CEBU - Nagpanikad na ang mga Sugbuanong karerista alang sa gikaintapang Cebu Recycle-Luzvimin-USA Race Series karong Enero 31 nga manukad ngadto sa Toledo City.

Ang maong lumba nga gitawag usab og “Tour Ni Frank”, musuway sa kalig-on ug lahutay sa atong mga lokal racers kinsa maglumba gikan sa Toledo ngadto sa Buak ug mo-agi ngadto sa Transcentral highway.

Sa milabay'ng mga katuigan, ang “Tour ni Frank” nga gipangulohan sa Cebu’s cycling godfather nga si Frank Gatdula, nilangkub na sa Transcentral Highway isip usa sa mga rota sa lumba.

Ang maong lumba gibahin sa class B, C ug ang golden boys alang sa mga 50-anyos pataas.

Adunay naghuwat nga ganting salapi ang mogawas nga mananaug sa maong torneyo. Dili usab mouli nga maghayon ang mga mapilde tungod kay adunay raffle draw nga ipahigayon diin aduna silay kahigayunan nga makadaog og mga special items.  (Lemuel P. Maglinte)   (BANAT NEWS)