San Beda-Alabang kampeon sa MNCAA junior division

Nakopo kamakailan ng San Beda College-Alabang ang junior bas-ketball division title ng 5th Men’s National Collegiate Athletic Association (MNCAA) habang inuwi naman ng La Conso-lacion College Manila ang senior division ng batang liga.

Tinalo ng San Beda ang St. Stephen’s High School, 59-50, apat na araw bago ang Kapaskuhan para angkinin ang korona sa junior. Dinaig naman ng Angelicum College ang La Consolacion para naman sa ikatlong puwesto.

Sa seniors division, bumandera naman ang La Consolacion sa 7-team field sa kanilang 4-0- marka habang inokupahan naman ng San Beda ang ikalawang puwesto sa 4-1 baraha.

Magbabalik ang 5th MNCAA sa Enero 11 sa may LCCM gym.