Peñalosa mo-train ni Donaire

CEBU - Gitino ni WBO bantamweight champion Gerry Peñalosa nga siya ang mobansay ni IBF/IBO flyweight champion Nonito “The Filipino Flash” Donaire isip pagpangandam sa iyang away karong Marso 15 batok ni Fernando Montiel didto sa Araneta Coliseum.

Dungan sa iyang pagpangandam sa iyang mandatory title defense, si Peñalosa andam usab nga mo-train ni Donaire.Si Peñalosa uban ni Donaire molupad paingon sa Baguio City karong Enero 4 aron didto ipahigayon ang training sanglit haom ang maong lugar sa ilang pag-ensayo tungod kay mingaw kini ug bukiron nga makatabang sa konsentrasyon sa duha.

Gibutyag ni Peñalosa nga ang iyang maguwang nga si kanhi two division world champion Dodie Boy Peñalosa moabag usab sa ilang training. Matud pa ni Donaire nga makig-sparring siya ni Peñalosa aron mapalambo ang iyang footwork ug maatbangan niya ang mga kinumo ni Montiel.

Nanganti karon si Donaire nga buhaton niya ang tanan aron mapatumba niya si Montiel. (Arnie P. Atuel)   (BANAT NEWS)  

 

Show comments