CEBU – Si pound-for-pound king Manny “Pacman” Pacquiao ug ang iyang trainer nga si Freddie Roach maoy nidaug isip fighter ug trainer of the year karong 2008. Grandslam matud pa ang kadaugan sa duha ka sikat nga personalidad sa boxing tungod kay dili lang sa Yahoo! Sports sila mihari , lakip na usab sa World Boxing Council (WBC), Sports Illustrated ug The Sun.
Ang world pound-for-pound king nga si Pacquiao nalabni niini ang nahisgutang nga pasidungog tungod sa tulo ka sunod-sunod nga kadaugan batok sa mga banggiitang boksidor sa tulo ka managlahing weight classes.
“He (Pacquaio) established himself clearly as the best pound-for-pound fighter in the world. He took on the most significant challengers and came out on top,” matud ni Kevin Iole, magsusulat sa Yahoo! Sports.
Si Pacman unang midaug pinaagi sa split decision batok ni Juan Manuel Marquez niadtong Marso 15 ug iyang nalabni ang bakus sa World Boxing Council (WBC) super featherweight. Gisundan ang maong kadaugan sa laing kalampusan dihang iyang gi-knockout si David Diaz atol sa ikasiyam nga round sa ilang panagtagbo niadtong Hunyo 28 human niya gisurender ang iyang super featherweight crown. Ug ning bag-o lang, iyang napahunong si Oscar de la Hoya sa ikawalo nga round sa non-tilte welterweight fight niadtong Disyembre 6.
“The race for the 2008 Fighter of the Year award is not much of a race at all. It’s about as competitive as the 1973 Belmont, when the great Secretariat won by 31 lengths, or the 1940 NFL championship game, when the Chicago Bears routed the Washington Redskin 73-0,” dugang ni Iole
“Picking the winner this year is as easy as falling asleep on the couch after a large holiday meal.. It doesn’t take much effort.”
Gidugang ni Iole nga daghan pang maayong boksidor ang mipakita og aksyon apan si Pacquiao mao ang ilang gibutang sa itaas tungod kay mas milabaw man ang performance niini labi na nga iyang napukan ang 10-time world champion nga si De la Hoya.
Samtang sa pagpili og Trainer of the Year, ang Yahoo! Sports mipili kang Roach nga molukdo sa nahisgutang award tungod kay iyang namugna si Pacquiao isip pinakabangiitang boksidor sa tibuok kalibutan.
“Roach is almost a master game planner as well as a sharp eye in the corner. He’s able to suggest subtle changes during a fight that can make the difference between winning and losing,” matud ni Iole. (Arnie P. Atuel) (BANAT NEWS)