De la Cruz bag-ong IBF Pacific champion

CEBU - Gikoronahan isip bag-ong IBF Pan Pacific light flyweight champion si Arman de la Cruz human niya gisakmit ang bakanting titulo dihang gipahunong niya ang Thai boxer nga si Samransak Singmanassak sa unang round niadtong miaging gabii didto sa Singburi, Thailand.

Kahinumduman nga niadtong Pebrero 8, nahimong draw ang katapusang away ni De la Cruz batok ni Denver Cuello dihang gihunong ang duwa tungod sa pagkagisi sa ilang ulo tungod sa accindetal headbutt.

Tungod sa maong kadaugan, ang Pinoy misaka na ngadto sa 21-11-3 nga rekord samtang si Samsaransak natagak ngadto sa record nga 34-20-1.

Si Samransak kinsa nagmalampuson sa uwahing duha niini ka away kontra sa mga Pinoy nga sila si Felix Tañamor ug Albert Alcoy., gisundan dayun og kapildehan dihang gipukan siya ni iyang Bert Batawang niadtong Mayo 3 pinaagi sa usa ka TKO sa round four..

Sa laing bahin, nilampos usab si Amor Tino sa paglangkat sa bakanting IBF Pan Pacific lightweight title, apan lahi ang gidangatan sa flyweight boxer nga ni Javier Malunan kinsa napukan sa iyang away. (Arnie P. Atuel) (BANAT NEWS)