Hongkong kampiyon sa Kung Sheung
CEBU – Sa ikaduhang higayon, gipanitan sa Hongkong National squad ang CESAFI All-Star dihang naka-iskor kini og 100-61 nga kadaugan aron pagsakmit sa korona sa 17th Super Kung Shueng International Invitational Championships kagahapon didto sa Queen Ellizabeth Stadium sa Hongkong.
Sa ilang pagbagat sa elimination, gikulata sab sa Hongkong ang CESAFI All-Star sa iskor 105-86.
Ang CESAFI All-Star ni caoch Boy Cabahug nakaabante sa finals human sila maka-iskor og upset batok sa Southern California Fukienese Association, 74-64 sa miaging adlaw samtang ang Hongkong nakakuha sa ikaduhang luna sa finals human ilang gikulata ang India.
Miabot na ang tibuok delegasyon kagahapon uban ni CESAFI commissioner Felix O. Tiukinhoy, Jr. ug University of Cebu (UC) Webmasters team manager Atty. Baldomero C. Estenzo. (GGM) (BANAT NEWS)
- Latest
- Trending
