Firstank hari sa 2008 Allied Bank Basketball League Christmas Cup

CEBU – Nilampos ang Firstank sa paglangkat sa korona dihang ilang gipukan ang Crao sa ilang knockout final match, 84-80 aron masakmit ang kampiyonato sa 2008 Allied Bank Basketball League Christmas Cup niadtong miaging adlaw didto sa Our Lady of Sacred Heart Parish gym sa Escario Street, siyudad sa Sugbu.

Si Hency Mancera maoy nangulo sa Firstank pinaagi sa iyang 12 puntos gisundan ni Yu nga mikulit og 12 ug Sidney Benatiro nga midunol og 10 puntos.

Sa sayong bahin sa duwa, misidlak pa si Gaudencio Ho dihang mipabuhagay kini og 14 puntos alang sa Glorious Auto Supply nga midaro sa Granite Industrial Corporation, 60-40, alang sa third place.

Puntos matag usa

Battle for third place:

Glorious Auto Supply (60) - G. Go 14, H. Ong 11, Ho 10, Lee 9, Barretto 8, Senen 8

Granite Industrial Corp. (40) - Ong 12, Sanico 12, Genardino 8, Villasica 6, Ampit 2

Championship

Firstank (54) - Mancera 13, Yu 12, Benatiro 10, Sogue 9, Astillo 4, Ceniza 2, Tan 2, Yap 2

Crao (50) - Ajias 17, Joms 7, Chargence 6, Yashi 6, Najara 4, Desura 3, Laviste 3, Mianz 2, Adolfo 2 . (Lemuel P. Maglinte) (BANAT NEWS)