Aksiyon sa POF National Finals simula na

CAGAYAN de Oro City--Sisimulan ngayon ng mahigit sa 3,000 atleta mula sa 52 local government units ang pagsabak sa aksyon sa pagsisimula ng National Finals ng 3rd Philippine Olympic Festival sa Don Gregorio Pelaez Sports Complex dito.

Inaasahang magiging mahigpit ang tagisan sa pool kung saan ang swimming ang siyang pinagkukunan ng pinakamara-ming ginto ng mga kalahok--329, kabilang sa 17 sports disciplines na lalaruin sa anim na araw na meet ay ang pagdiskubre sa isang potential na RP team members.

 Nakataya naman sa centerpiece track and field ang siyam na ginto, kabilang ang sa boys’ 5,000-meter at girls’ 3,000m runs kung saan ang unang gold medals ay paglalabanan sa softball, badminton, chess, judo at table tennis sa nasabi ring araw.

 Magsisimula naman bukas ang archery, gymnastics, karatedo, muay, habang ang arnis at Greco-Roman wrestling sa Linggo at ang taekwondo at freestyle wrestling sa Lunes naman.

Ang iba pang sports na lalruin sa event na ito na suportado ng Globe, PAGCOR, Philippine Sports Commission, AMA Computer University, Summit Natural Drinking Water, ACCEL, Negros Navigation at ng Philippine Star ay ang indoor at beach volleyball, basketball, softball at sepak takraw. 

Mahigit sa 478 gold, 422 silver at 458 bronze medals ang paglalabanan sa 17 sports event na karamihan ay Olympic sports.