Bag-ong gym sa Philippine Yaw-Yan League gibuksan!

CEBU - Gibuksan na ang bag-ong Gym sa Philippine Foot boxing league nga nahimutang dinha sa Mabini St. Parian, Cebu City.

Ang usa sa mga sikat nga matang sa martial arts nga namugna dinhi sa Pilipinas niadtong tuig 1969 nga naglangkub sa Arnis, Judo, Karate ug Aikido nagsugod na karon og pagpanawat og mga interesadong makat-on sa Yaw-yan.

Nagkanayon si Julio Villaflores, Supreme Grand Master sa Philippine Foot boxing league nga mokabat na sa 10,000 ang ilang miyembro dinhi sa region 7.

Gawas sa self-defense, gikatakda usab nga ipahigayon sa Philippine Yaw-Yan League ang usa ka tournament karong umaabot nga Pebrero sa sunod tuig. Gitawag usab ni Villaflores ang ilang mga miyembro dinhi sa Visayas aron mobisita sa bag-o nilang gym.

Alang sa dugang impormasyon pwede kamong mo-text sa numero 09266138337 o 09098099582. - Lemuel P. Maglinte (BANAT NEWS)