De La Hoya Mameligro: Kinahanglan nga matuman ni Oscar

CEBU - 'Golden Boy' De la Hoya ang iyang saad nga tapuson ang away sa lima ka hugna kun dili siya gusto tumbahon ni Manny 'Pacman' Pacquiao sa ilang "Dream Match" ugma (oras sa Pilipinas) didto sa MGM Grand Garden Arena sa Las Vegas, Nevada.

Mao kini ang gipamahayag sa duha ka inilang sports analysts sa nasud nga sila si Dennis Principe ug Ronnie Nathanielz.

Matud pa nilang Principe ug Nathanielz atol sa interview sa ABS-CBN News, nga nakita nila nga angkonon ni De la Hoya ang unang-lima ka round, apan kinahanglan niya kini pahimuslan aron dili madiskaril ang iyang diskarte.

"Prolonged fighting may also result in his sluggishness around the ring, thus making him an easy target for the Filipino prize fighter," matud pa ni Principe.

Matud pa usab ni Principe nga angay'ng gamiton ni Pacquiao ang iyang abilidad aron malikayan ang matag kumo nga iladlad ni De la Hoya.

Giklaro sa duha ka boxing analysts nga dili na kasugakod si De la Hoya kun moabot na sa ikapito ngadto sa ikasiyam nga round ang away.

Sa iyang bahin, ang beteranong sports analyst nga si Nathanielz nagkanayon nga ang away nila ni De la Hoya ug Pacquiao molungtad ngadto sa 12 ka hugna ug ang Filipino boxing superstar maoy modaog pinaagi sa puntos.

"Mabilis ang galaw ni Pacquiao, all angles. Doon pa lang hilo na si de la Hoya," sumala pa ni Nathanielz 

 Sa laing bahin, matud pa sa duha ka analysts, mapilde o modaog si Pacquiao, daku ang kahigayonan nga mahinayon ang gihugon-hugonang away sa pambansang kamao batok ni IBO-IBF light-welterweight titlist Ricky 'Hitman' Hatton.   (BANAT NEWS)