CEBU - Gisumpo sa Criminal Intelligence and Investigation Bureau (CIIB) nga gipangulohan ni superintendent George Ylanan ang kampanya sa Red Team pagposte og 2-0 nga bentaha pinaagi sa pag-iskor og 75-69 nga kadaugan niadtong Martes sa gabii sa Labangon Youth Association (LAYA) 1st Ritchie Osmeña Cup didto sa Labangon Sports Complex.Sa laing duwa, ang Yellow team mipukan sa Maroon Team, 82-80 aron sab mapakgang ang naulahi kinsa nagtinguha sab nga moposte og 2-0.
Si Glenn Bugtai maoy nangulo sa CIIB sa iyang 17 puntos, samtang si Dexter Dagatan mao sab ang nangulo sa Red pinaagi sa iyang 31 puntos.
Sa laing bahin, si Gladys Mantilla mibugha og 34 puntos aron pangulohan ang opensiba sa Yellow kinsa nagtabla karon sa Red ug Lola Carmen Chicharon sa managsamang 1-1 nga baraha.
Sa kasamtangan, bugtong ang Trisha & Tracy ang nagbarog nga walay pilde sa duha ka duwa.
Puntos Matag Usa
Unang duwa:
CIIB (75) - Bugtai 17, Maglinte 17, Ybañez 9, Dignos 7, Abatayo 6, Maucesa 5, Plasus 4, Veloso 4, Pandong 2, Mendaros 2, Dela Victoria 1
Red (69) - Dagatan 31, Cañete 15, Abbu 9, Villanueva 8, Patalinghug 6
Ikaduhang duwa:
Yellow (82) - Mantilla 34, Caroza 11, Gerenia 7, Belarmino 6, Dela Cerna 6, Campanilla 5, Morada 4, Cuizon 4
Maroon (80) - Marzon 16, Pardenilla 15, Allan 11, Bacalla 9, Maucesa 9, Pesaña 7, Saceda 6, Laresma 3, Parilla 2. - Gabby G. Malagar (BANAT NEWS)