Suspensiyon ng AIBA, iaapela ni Lopez

Pagprotekta sa integri­dad ng Pilipinas at sa Inter­natio­nal Amateur Boxing Association (AIBA) ang siyang na­kikitang dahilan ni Man­ny Lopez kung bakit siya pi­na­tawan ng dalawang taong suspension bilang kasapi ng AIBA executive committee.

Inamin ni Lopez, ang pa­ngulo ng ABAP na magtata­pos ang termino sa Disyem­bre 31, na ilang linggo na niyang natanggap ang liham ng suspension na nilagdaan ni Ho Kim na AIBA executive director.

“Isang harassment ito sa akin dahil kinakalaban ko sila. Alam kong ganito ang mangyayari dahil kinuku­wes­tiyon ko ang ilang mga nakikita kong maling ga­wa­in sa AIBA at ang pagpro­tekta ko sa Pilipinas sa Thailand SEA Games,” wika ni Lopez.

Ang isa sa umano iki­na­inis sa kanya ng AIBA officials maliban ang pag-withdraw ng mga Filipino bo­xers sa finals ng men’s boxing sa 24th SEAG ay ang pagsilip sa nauubos nang pera ng AIBA.

Ngunit hindi naman bas­ta-basta susuko si Lopez da­hil tiniyak niyang ilalaban niya ang kaso na sa tingin niya ay malakas, sa Court of Arbitration for Sports ng IOC.

“May mga nakausap na akong mga abogado at lahat sila ay nagsasabi na hindi ito makatuwiran. Kaya iaapela ko ito sa CAS sa Lausanne, Switzerland,” dagdag pa nito.