14th District Collector's Cup buksan na
CEBU - Ang gipaabot nga 14th District Collector's Cup buksan na karong hapon diha sa Mandaue Sports and Cultural Complex.
Ang defending champion sa 35 years old below category nga MJDL Brokers nagtinguha sa ilang ikaupat nga korona, samtang ang Enforcement Security Service (ESS) X-Ray Division manalipod sab sa ilang korona sa 35 years and above category.
Ang MJDL maoy nangu sa lima ka teams nga mosalmot sa 35 years below uban ang Amancia Filmore Brokerage, Assessment Division, Pimentel-Limasawa ug ang SUGBO Brokers.
Samtang ang ESS-X-Ray Division mao sab ang mangulo sa 35 years old and above uban sa District Collector’s Office, MJDL, Office of the Commissioner (O-COM), Cebu Customs Brokers, Inc. (CCBI), Port Operations Division (POD), C-CUPA ug Mactan.
Ang maong torneyo gipasiugdahan sa mga sakop sa Customs Employees and Brokers Union (C.E.B.U.) ubos sa ilang presidente nga si Limasawa mayor Melchor Petracorta uban sa suporta ni Dione Edera sa Customs Intelligence and Investigation Service (CIIS).
Si sports patron Rady Abarintos sa barangay Punta Princesa maoy chairman sa Officiating Committee.
Matud pa ni C.E.B.U. secretary Gigi Ylaya, nga sa dili pa ang kumbati usa ka simpleng programa ang pagahimuon nga gikatakda sa alas-5:30 sa hapon. (BANAT NEWS)
- Latest
- Trending
