SGG-INTV-CCTN boxing show andam na

CEBU - Andam na ang tanan alang sa Cebu-based weekly boxing show sa SGG Promotions ug INTV-CCTN nga ulohan og “TKO” nga mosikad pinaagi sa live telecast karong Nobiyembre 30.

Ang telecast naglatid sa “Thai Invasion: Triple Thai Opponent Daytime Boxing Show 2” diha sa Mandaue City Cultural and Sports Complex.

“I had a lot of promotions in Manila, so I believe that it’s time to bring the promotion here in Cebu,” matud pa ni Sammy Gello-ani atol sa press conference kagahapon didto sa Cebu Grand Convention Center.

“We are better than in Manila. The show that will be produced and what we will be showing are very fresh. I can bring imported shows here. We will prove to them that we could surpass the quality of what they are doing” dugang pa ni Gello-ani ang tag-iya sa SGG promotions.

Si Gello-ani miani na og daghang mga dungog isip boxing promoter. Napili siya isip WBO Asia-Pacific Promoter of the Year sa tuig 2007 ug atol sa 21st WBO Convention didto sa Florida ning bulana, personal niya nga gidawat ang WBO Promoter of the Year in Asia, Pacific and Oriental.

Uban niya, ang iyang mga boksidor nga sila si Siso Morales ug Marvin Sonsona nakadawat sab og awards. Si Morales napili isip 2008 Best Fighter of the Year, samtang si Sonsona napiling Asia Pacific Fighter of the

Year.

Sa tinuod lang, ang TKO maoy unang TV show nga mohimo og live coverage sa weighing sa tanang fighters sa Thai Invasion.

Sa Nobiyembre 30, mao ang live coverage sa Daytime Boxing 2: Thailand Invasion. Makita sab kini sa Thailand ug sa tanang bahin sa kalibotan pinaagi www.intv.com.ph

“We can amply say that we are capable of the technicality of our TV production for the boxing show” matud pa ni INTV-CCTN CEO, Nonito ‘Dodong’ Limchua.

Si Limchua nahimong promoter sa pipila ka mga boxing legends sama nila ni Billy Abatoc, Baby Kaga Jr ug uban pa, hinungdan nga daku kaayo ang iyang kalipay nga ang boxing show nakuha sa ilang estasyon. – BANAT NEWS