CEBU - Mi-atake og maayo ang Binglens-Red team sa second half aron maka-ipsot bitbit ang 81-79 nga kadaugan batok sa Jonald-Yellow team sa Labangon Youth Association (LAYA) 1st Ritchie Osmeña Cup didto sa Labangon Sports Complex.
Si Dexter Dagatan, kinsa mirehistro og game-high 36 puntos maoy nangulo sa kadaugan.
Ang pilderong Yellow team gipangulohan ni Gladys Mantilla kinsa mihakot og 23 puntos.
Sa laing duwa, gilubong sa Kekoy-Maroon team ang Boy Tuplok-Gold team sa iskor nga 79-60.
Ang organizing LAYA gipangulohan sa ilang presidente Robby Ylanan. Si Mark Ylanan ug Chief Inspector George Ylanan maoy mga advisers sa maong kahugpongan. Giabagan sab sila nila ni LAYA vice president Marcelo Zapanta ug sa mga sakop sa working committee nga naglakip nilang Angel Navaja, Allan Trinidad, Jonald Morada, Jack Ylanan, Viking Rollon, Chummy Solon ug Noel Medalle.
Puntos Matag Usa
Maroon (79) - Saceda 16, Pardenilla 15, Marzon 11Abella 9, Pesana 8, Bacalla 7, Maucesa 6, Laresma 5, Parilla 2
Gold (60) - Rollon 14, Hisoler 13, Baluna 8, Solon 7, Baculi 6, Rustere 4, Antidora 4, Rosales 2, Ursal 2
Ikaduhang duwa:
Red (81) - Dagatan 36, Abbu 15, Cañete 9, Villanueva 5, Baybay 5, Sala 4, Patalinghug 3, Monsanto 2, Tomacruz 2
Yellow (79) - Mantilla 23, Cardoza 19, Camacho 13, Guevarra 10, O. Marzon 6, Dela Cerna 5, J. Morada 3. – BANAT NEWS