CEBU - Napapas ang 15 puntos nga labaw sa Yellow Dragons nga gipangulohan ni Edmund Tecson sa nahabiling tres minutos sa duwa, apan gibuligan sa panabang ni Alex Macaling sa nanghinapos nga bahin sa duwa aron pagbuntog sa mangtas nga Red Lions, 71-68 sa 2008 Cebu United Bankers Association (CUBA) Christmas Basketball League didto sa Our Lady of Sacred Heart Parish gym sa dalan Escario, ning siyudad.
Matukob na unta sa Yellow Dragons ang sayon nga kadaugan dihang mirehistro kini og singko puntos nga bentaha, 65-59, apan ang Red Lions mibawos pinaagi sa paglusad og 19-2 run aron pag-ilog sa labaw, 68-66 sa katapusang 30 segundos sa duwa.
Wala hinuon madugay sa mga kamot sa Red Lions ang momentum ug daling nailog og balik sa Yellow Dragons ang labaw kortesiya sa 3-point play ni Macaling human makakuha og foul samtang milusot, 69-68, nga adunay 14 minutos ang nahabilin sa dili pa moserbato ang final buzzer.
Human mapakyas pag-iskor sa ilang posisyon, ang Red Lions daling mi-foul ni Mantos, kinsa yano kaayong miposa sa iyang duha ka free throws aron pagselyado sa kadaugan.
Si Robert Rafson Chua milawog og 15 puntos
alang sa Dragons, samtang sila si Macaling ug Mantos mihungit og 12 puntos matag usa.
Sa sayo pa, ang Green Archers nagsalig sa liderato ni Ramon Cataros ug sa lig-ong depensa ni Tony Liston aron mabuntog ang Blue Eagles sa iskor nga 53-47.
Puntos Matag Usa
Unang duwa:
GREEN ARCHERS (53) - Go 12, Saliz 11, Yap 8, Machado 7, Lim 6, Cataros 4, Ornopia 2, Maravilla 2, Liston 1
BLUE EAGLES (47) - Osorio 19, Gabales 16, Bernas 4, Yamyamin 4, Rizada 2
Ikaduhang duwa:
YELLOW DRAGONS (71) - Chua 15, Macaling 12, Mantos 12, Baco 6, Aparri 6, Malahay 6, Navarro 5, Allera 4, Egos 3, Cenita 2
RED LIONS (68) - Villarin 13, Rosal 13, So 12, Bacalla 9, Mabanto 8, Pajares 5, Bacalla 4, Teves 2. – BANAT NEWS