Gacayan nag-wild na sab

CEBU - Nipakita na sab si Jingjing Gacayan sa iyang talagsaong abilidad aron pangulohan ang Gemmary/Ho Tong Hardware-sponsored Batch ‘70s pagkutlo og 87-72 nga kadaugan batok sa Batch ‘82 sa nagpadayong aksiyon sa 2008 University of San Carlos Boys High Alumni Basketball Association (USCBHABA) Atan Guardo Barkadahan Cup didto sa USC-North Campus gym.

Si Gacayan mikabya og 21 puntos alang sa Batch ‘70s nga milubong sa Batch ‘82 og 16 puntos sa third quarter, 65-49.

Ang ex-pro ug karon assistant coach sa M. Lhuillier nga si Tata Merced miabuno og 14 puntos, gisundan ni Audi Medina sa iyang 12 puntos. Ang maguwang ni Merced nga si Jeric ug si Joji Gelbolingo miariya og 10 puntos matag usa.

Naglabaw og uno punto ang Batch ‘82 paghuman sa unang kuwarter, 17-18, apan naapsan kini sa Batch ‘70s ug mao na kanunay ang milabaw og dili momenos 10 puntos.

Si Nathan Diaz mibugha og 28 puntos ug maoy topscorer sa pilderong Batch ‘82.

GEMMARY (87) - Gacayan 21, T. Merced 14, Medina 12, J. Merced 10, Gelbolingo 10, Monterroyo 6, Nabua 2, Kenneth 2

BATCH ‘82 (72) - Diaz 28, Belocura 17, Balangkig 15, Honorio 6, Pono 4, R. Nabua 2. –BANAT NEWS