CEBU - Ang semifinal round sa Hapee Online Basketball League 2nd Conference Challenge Cup alang sa 17-under category himuon ugmang adlawa diha sa Cebu
Coliseum sa dalan Sanciangko, ning siyudad.
Ang top four teams nga mag-abot sa semifinal mao ang Hapee Online, Sacred Heart School-Jesuit (SHS-J), University of San Carlos (USC) South Campus ug ang Indiana Aerospace University.
Unang magsangka mao ang Hapee Online batok sa Indiana, sundan sa duwa tali sa SHS-J ug USC South.
Ang mga winners maoy magsangka sa kampiyonato karong Domingo ug isunod dayon ang awarding sa Mythical Five sa 12 ug 17-under categories.
Laing mga individual awards nga ipanghatag mao ang Most Improved Player, Best Defensive Player ug ang Most Valuable Player. – BANAT NEWS