Palitan ng talino sa basketbol sa Guam

Noong isang linggo, nalaman ng inyong lingkod na napakarami ng palitan ng talino sa sports sa pagitan ng Pilipinas at China. Marami sa ating pinakatanyag na sports personalities ang bumibiyahe doon upang magturo at maglaro, at maganda ang kanilang kinikita.

Pero hindi lamang China ang destinasyon ng mga Pinoy. Sa katunayan, madalas ang palitan ng mga batang basketbolista sa pagitan ng Pilipinas at Guam, kung saan mahigit 40% ng tao doon ay mga Pinoy, na kahalo na ng mga Guamanian (immigrant) at Chamorro (mga tubong Guam).

Tatlong taon na ring lumilipad dito sa Pilipinas ang mga grade school at high school basketball player ng Guam upang matuto ng basketbol, sa pamamagitan ng Ateneo Basketball School (ABS).

“This is a program that we’re very happy with, because we get to help our Filipino brothers abroad,” paliwanag ni Ricky Dandan, pinuno ng ABS. “Through the school athletics department, we’re able to share our knowledge with young Filipinos who also love the game overseas.”

Noong 2007, tatlong koponan ng estudyante ng Guam ang naglaro ng mga tune-up matches kontra sa Ateneo, La Salle, Xavier at iba pa. Sa tulong ni Governor Felix Camacho, maging ang mga batang Pinoy ay nagkaroon ng pagkakataon na tumulak papuntang Guam. Isa sa mga manlalaro ng Guam ay anak ni Governor Camacho.

“Last year, I was talking with Jay Salvador (of Ateneo Basketball School), gunita ni Elsa Uloa, isang manunulat ng Pacific Daily News at tournament organizer sa Guam. “The clamor from more and more of the parents was to bring Filipino players there. It became a really big thing.”

Noong isang linggo, dalawang koponan ng grade school at high school players ay tumungong Guam.

Magandang pagkakataon ito para magkalapit ang mga mag-anak.

“It was a very exciting time for everyone,” sabi ni high school coach Jay Salvador, na tumulong buuin ang biyahe. “For many of the kids, it was their first time to travel abroad. The local government of Guam was very warm, and everyone was very well-received there.”

Sa pamamagitan ni Ron Ravela ng Guam governor’s office, madaling nakuha ng mga dayo ang kanilang mga travel requirements, at walang hirap na nakabiyahe.

Pagdating doon, dinumog sila ng mga kababayan, at maging ng mga taga-Guam.

“It became a really big thing,” dagdag ni Uloa. “The media really picked up on it, covering the games every day. The kids were also on TV almost every day while they were playing.”

Ang susunod na plano ay isang mas mahabang torneo, at maaaring kalahati ay ilaro dito, at kalahati sa Guam.

Di malilimutan ng mga bata kung paano pinalawak ang kanilang mundo ng simpleng paglalaro ng basketbol.