White gilupig sa Black

CEBU - Ang Black team nga gipaluyohan sa TSC Motor Sales mipakgang sa duha ka sunod-sunod nga daog sa White team ni Archie Baba sa AC Sports pinaagi sa pag-iskor og 79-73 nga kadaugan sa Triple-A Inter-Color basketball tournament Second Conference

niadtong Domingo didto sa Kimwa gym sa Mandaue City.

Sayo kaayong nanginit ang Black kinsa nakalabaw og 15 puntos, 40-25 sa halftime. Mitubo pa ang labaw ngadto sa 21 puntos, 58-37 pagkahuman sa third period, apan ang maong labaw gihinay-hinay og kitkit sa White.

Mipatuman og hugot nga depensa hinungdan nga ilang napuhalan sa scoring ang Black, 36-21. Wala hinuon mahulga ang Black ug nakasustiner hangtod sa katapusang gutlo sa duwa. 

Ang three-point artist nga si Adrian 'Jun' Gogo maoy nangu sa Black sa iyang 20 puntos, gisundan ni Jeriel Bukiron nga miamot og 18 puntos ug Eddie Retiza nga mipupo og 10 puntos.

Ang White gipangulohan ni Gersam Armamento kinsa miposte og 19 puntos, samtang si Rany Cruz mitampo og 17 puntos.

Ang maong liga ubos karon sa pagdumala sa ilang bag-ong presidente nga si Tany 'El Presidente' Agbay.

Puntos Matag Usa

Black (79) -- Gogo 20, Bukiron 18, E. Retiza 10, Jarlata 8, Manatad 7, Conejos 6, Montalban 6, Chan 5, Ybañez 1

White (73) -- Armamento 19, Cruz 17, Taborada 8, Quijano 6, Martinito 5, Villamor 5, Dela Torre 5, Baba 3, Ganda 3, Baunsit 2. – BANAT NEWS