Taktakay sa Jaguars, W'masters

CEBU - Wala damha nga mag-unay ang duha ka Cebu-based teams University of San Jose-Recoletos (USJ-R) Jaguars ug ang University of Cebu (UC) Webmasters human sa ilang nadangatan sa miaging gabii sa gipahigayong Visayas Zonals of the Philippine Collegiate Champions League (PCCL) didto sa Ormoc Superdome.

 Ang USJ-R Jaguars yano kaayong mikuninit sa Bohol Institute of Technology (BIT) Cruisers, 99-74, samtang ang UC Webmasters miluhod sa pambato sa NCAA Letran Knights, 86-74.

Gumikan sa ilang panag-unay, usa na lang ka Cebu team gikan sa Ormoc cluster ang makauban ngadto sa PCCL Round of 16 nga sugdan karong Nobiyembre 24.

Ang eight-time champion sa CESAFI University of the Visayas (UV) Green Lancers seeded nang daan alang ngadto sa PCCL ug ang una nilang ikabagat mao ang tang-an sab sa UAAP nga University of the East (UE) Warriors.

Si Dino Daa maoy nangulo sa Knights sa iyang 27 puntos, gisundan ni RJ Jazul nga mitampo og 20 puntos.

Ang 6-foot-8 giant sa UC nga si June Mar Fajardo, kinsa sakop sa CESAFI Mythical Team, mao sab ang nangulo sa naparot nga Webmasters sa iyang 23 puntos. Si Janssen Abella miamot og 15 puntos ug si Robinson Mohamad mitampo og 10 puntos.

Puntos Matag Usa

Letran (86) -- Daa 27, Jazul 20, Melegrito 9, Foronda 9, Belencio 7, Del Rosario 3, Gutilban 2, Cortez 2, Cabonce 2, Lacamento 2

UC (74) -- Fajardo 23, Abella 15, Mohamad 10, Quilantang 8, Babad 6, Juliane 5, Gomez 3, Ramos 2. – BANAT NEWS