Del Trading nangharos sa round 1 sa Tuesday Club

CEBU - Giharos sa Del Trading ang ilang mga kaatbang sa first round human ilang gipilde ang way daog-daog nga Road Star, 65-52 sa nagpadayong Tuesday Club didto sa Sacred Heart Parish gym.

Sa laing duwa, naka-ipsot ang A-1 Trucking sa ilang kulbahinam nga duwa batok sa LA-ABC sa iskor nga 52-50.

Tungod sa maong sweep, ang Del Trading mirehistro og 4-0 win-loss record paghuman sa first round, samtang ang Road Star adunay 0-4 nga baraha.

Si Rey Caballes lang ang nakahimo’g double figures alang sa Del Trading nga miposte og 11 puntos, apan nabahin ang uban mga puntos sa iyang kaubanan. Ang Road Star gipangulohan ni Charlito Alivo sa iyang 13 puntos, gisundan ni Dave Abrenica nga miamot og 12 puntos.

Ang Del Trading ug Road Star nagtabla sa halftime sa iskor nga 27-all. Human sa break, kontrolado na sa Del Trading ang duwa hangtod na sa pagkahurot sa oras sa regulasyon.

Sa sayo pa, mipuntos sab si Edidon Ho og 13 aron pangulohan ang A-1 Trucking kinsa mitapos sa first round bitbit ang 2-2 nga baraha.

Mibugha sab og 13 puntos si Boyet Selma, upat niini gikan sa three-point area aron pangulohan ang LA-ABC nga naghupot og 1-3 nga baraha.

Ang Dim Sports mitapos sa ikaduhang puwesto sa ilang 3-1 nga baraha.

Puntos Matag Usa

Unang duwa:

A-1 Trucking (52) -- Ho 13, Canoy 8, Teves 5, Andrew 5, Lahoylahoy 4, Gallardo 4, Canillo 4, Ordez 3, Berden 2, Lim 2, Ong 2

LA-ABC (50) -- Selma 13, Valle 8, Orbeta 6, Gillega 6, Cañeda 5, Pateña 4, Tayo 2, Calinawan 2, Antojado 2, Alivo 2

 Ikaduhang duwa:

Del Trading (65) -- Caballes 11, Angcay 9, Alueta 9, Patalinghug 8, Caballero 6, Blanco 4, Gocela 4, Satur 3, Paradero 3, Borja 2, Natividad 2, Abella 2, Echivarre 2

Road Star (52) -- Alivo 13, Abrenica 12, Donaire 9, Fabian 8, Carambias 4, Ang 3, Renegen 2. – BANAT NEWS