1st DBTC-PTCA sports festival buksan na karon

CEBU - Unom ka teams gikan sa Don Bosco Technology Center (DBTC) ang magtigi sa korona sa 1st DBTC-PTCA sports festival nga mosikad karong adlawa diha sa DBTC gym sa Labangon, ning siyudad.

"Victory with Honor" maoy tema sa maong kompetisyon diin ang unom ka teams magsangka sa futsal, badminton, basketball ug volleyball sa men's ug women's division.

Ang duwa sa futsal ug badminton sugdan karong adlawa, samtang ang basketball ug volleyball unya pa sugdan sa sunod Sabado.

Ang sports festival mosikad pinaagi sa parada sa mga partisipanteng koponan nga naglakip sa Team-A (Aqua Blue), Team-B (Orange), Team-C (Pink), Team-D (Yellow Gold), Team-E (Red) ug Team-F (Emerald Green).

Si Nimrod NL Quiñones, ang managing editor ug sports columnist sa The Freeman Newspaper, ang igsuong mantalaan sa Banat News maoy mangulo sa oath of sportsmanship, samtang si DBTC Rector Fr. Ronald Guiao maoy pormal nga mobukas sa maong kalihukan. – BANAT NEWS