CEBU - Nangita pa og overtime ang Red Lions sa wala pa nila tangaga ang 87-83 nga kadaugan batok sa Yellow Dragons sa nagpadayong aksiyon sa second conference sa 2008 Cebu United Bankers Association (CUBA) Inter-Color Basketball Tournament didto sa Our Lady of Sacred Heart Parish gym sa dalan Escario, ning siyudad.
Kanunay nga naggukod ang Red Lions halos sa tibuok duwa, apan milusad kini og 24-16 nga rally aron pagtabla sa iskor, 74-all nga naghatod sa duwa ngadto sa overtime.
Sa dugang singko minutos, nagpusot-pusot ang opensiba sa Red Lions hangtod nakuha ang ikaduhang sunod-sunod nga kadaugan.
Sa laing aksiyon, ang Blue Eagles mipakaging sa Green Archers sa iskor nga 65-60.
Ang Blue Eagles wala manumbaling ngadto sa Green Archers human mirehistro og 11-2 sa sayong bahin sa duwa. Ila nga namintinar ang momentum sa third quarter, 42-34 hangtod nga ilang nasakmit ang una nilang daog.
Puntos Matag Usa
Unang duwa:
Red Lions (87) - Rosal 22, So 21, Mabanto 17, Pajares 13, Bacalla 10, Olalo 2, Bacalla 2
Yellow Dragons (83) - Malahay 22, Tecson 14, Allera 13, Mantos 12, Baco 10, Aparri 5, Cenita 4, Egos 3
Ikaduhang duwa:
Blue Eagles (65) - Minoza 25, Osorio 11, Rizada 8, Bargamento 6, Tingson 6, Arenas 5, Yanyan 4
Green Archers (60) - Machado 14, Yap 13, Saliz 11, Edera 8, Lim 6, Maravilla 4, Go 2, Ornopia 2. – BANAT NEWS