CEBU - Nalamdagan og maayo ang dalan ni World Boxing Organization (WBO) Asia-Pacific minimumweight champion Milan 'Melinyo' Melindo human sa iyang kadaugan pinaagi sa 3rd round TKO batok ni Juma Fundi niadtong Huwebes didto sa Atrium sa Limketkai Mall, Cagayan de Oro City.
Matud pa ni ALA Promotions big boss Michael Aldeguer, nga tungod sa maayong performance nga gipakita ni Milendo atol sa iyang katapusang away, nakita niya nga hinog na ang iyang boksidor alang sa world title bout. Nakahukom si Aldeguer nga iyang dad-on si Milendo ngadto sa Dubai alang sa sunod niini nga away.
Si Aldeguer nagsugod na karon og pangita alang sa posibleng sunod makontra sa Sugbuanong boksidor. Lakip sa mga gipilian sa ALA Promotions mao ang kanhi (IBF) International Boxing Federation titlist nga si Muhammad Rachman sa Indonesia ug ang IBF minimum weight champion nga si Omar Soto sa Mexico.
Atol sa pagdepensa sa iyang titulo, gipakamang ni Melindo ang Tanzanian challenger nga si Fundi ug midabodabo sa lawas nga miresulta sa usa ka TKO sa nahibiling 0:32 segundos sa third round. (BANAT NEWS)