Golden Eye wa kahuygo batok Warriors

CEBU - Naunhan sa F. Llamas Youth Association (FYA) Warriors ang FYA Golden Eye pinaagi sa pag-iskor ug 89-79 nga kadaugan ug nagkinahanglan na lang sila og laing daug aron pagsakmit sa korona sa FYA 1st Coach Rady Cup basketball tournament sa Game 1 sa ilang best-of-three series kaniadtong Huwebes sa gabii didto sa Vicente Sotto Memorial gym sa barangay Punta Princesa, ning dakbayan.

Ang Warriors aduna karo’y 1-0 nga bentaha ug mahimong dayonon nila ang Golden Eye unya sa Game 2 apan matud pa sa skipper sa Golden Eye nga si Noel Medalle, dili nila ihatag ang korona karong Huwebes ug ilang paningkamotan nga sila maoy mahimong kampiyon sa nahisgotang lega.

Una nang nasakmit sa FYA Viking Haulers ang ikatulong pwesto human ilang gipukan ang FYA Lakers sa iskor, 96-93 sa usa ka mas kulba-hinam nga kumbate.

Gipangulohan ni Dondon Cadungog ang Warriors pinaagi sa pag-iskor og 23 puntos ug sila si Chissar Llegunas ug Dominic Enriquez mipuntos sab og 16 ug 14 points tali kanila.

Igo lang nakamaneho og 10 puntos si Medalle ug laing duha niya ka teammates ug si Toper Rama maoy nangu sa Golden Eye pinaagi sa iyang 20 puntos. Ang Golden Eye kinsa mi-kulapso sa fourth quarter, daku unta kaayo’g purohan modaug apan gikuhaan ang ilang puntos tungod sa ubang players nga wala makaduwa nga maoy lagda sa ilang lega.

Sa laing bahin, si Tata Laborte mihakot og 33 puntos alang sa Viking Haulers aron pangulohan ang opensa ug gisundan siya ni Baeng Medalle kinsa mibahug og 18 puntos. Si Medalle kanhi player sa USJ-R Baby Jaguars ug manghod ni Noel.

Si Wendell Rollon maoy nangu sa Lakers pinaagi sa pagburak og 28 puntos.

Ang championship game kanaidtong Huwebes gisaksihan mismo sa barangay kapitan sa Punta Princesa nga si Rolly Diorico ug sa barangay konsehal nga si Bugoy Atillo ug ingon man sa sponsor sa lega nga si Rady Abarintos.

Puntos kada usa:

First Game:

FYA Viking Haulers (96)— T. Laborte 33, Medalle 18, Arreglo 12, W. Laborte 11, Ylanan 10, Camacho 9, Zapanta 4, Chammy 4

FYA Lakers (93)— Rollon 28, Cancko V. 16, Garcia 16, Enriquez 14, Rama 6, G. Canceko 6, Caballero 5, Jao 2

Second Game:

FYA Warriors (89)— Cadungog 23, Llegunas 16, Enriquez 14, Alob 7, Grant 5, V. Cadungog 4, Abella 4, Marata 2, Cambarajan 2, Trinidad 2, Pacaña 2

FYA Golden Eye (79)— Rama 20, Abellana 16, Medalle 10, Enriquez 10, Arias 10, E. Marata 8, Bantiling 4, Cedeño 4, Osorio 1. – BANAT NEWS