Mag-uuma nilampos sa Guam

CEBU - Laing Pinoy na usab ang mitunol og kadungganan sa nasud dihang mipatigbabaw kini sa gipahigayong 2008 Guam Koko Road Race Half-marathon didto sa Tumon Guam.

Ang maong atleta mao si Pepito Deapera, mag-uuma, mipukan sa sobra 50 niini ka kontra. Mao kini ang unang major kompetisyon nga nasalmutan ni Deapera gawas sa Pilipinas ug nagmalampuson gyud ang una niyang pagtikang tungod kay midaog man kini pinaagi sa 1:18:14 nga oras, una lang og 9 segondos sa runner up niini nga si Hyuk Suk Lee gikan sa Korea.

“I was not confident in winning since I was competing against a stronger field of runners from Korea, Japan, Taiwan, Australia and America. Being a farmer is physically tiring. Working in a farm is really hard labor,” matud ni Deapera.

Ang Guam Visitors Bureau (GVB) maoy mi-imbetar ni Deapera sa pagsalmot sa Guam human usab kini nakit-an sa GVB officials sa local race sa kauluhan.

Si Deapera midawat sa tropeyo ug cash prize. Gipaabot usab kini nga modepensa sa iyang korona sunod tuig.  (BANAT NEWS)