CEBU - Gisaw-an sa defending champion Balamban ug Aloguinsan ang kinatas-ang dapit sa Cluster 3 action sa nagpadayong 4th Governor Gwen Garcia Unity Volleyball (GUV) Cup For Women kagahapon didto sa Tuburan.
Ang Balamban ug Aloguinsan parehong nagbitbit og 2-0 win-loss records human miposte og kadaugan.
Ang Balamban nidaog batok sa Pinamungajan, 25-15, 25-14 ug dayon mikulit og laing daog batok sa Asturias, 25-6, 25-8. Mao sab ang Aloguinsan kinsa mipakita og impresibo nga kadaugan pinaagi sa pagpukan sa Barili ug Tuburan.
Hinuon ang Barili ug Tuburan nakarekober ug miposte og daog. Ang Barili mipukan sa Pinamungajan, 25-17, 25-23, samtang ang Tuburan mibuntog sa Asturias, 25-17, 25-12. – BANAT NEWS