Gio, Gemmary gisubha'g daog sa SCBHABA

CEBU - Gisubhan og daog ang Gio ug Gemmary sa pagsugod sa Second Conference sa 2008 San Carlos Boys High Alumni Basketball Association (SCBHABA) season didto sa University of San Carlos (USC)-North campus gym.

Ang Gio maoy nikontrolar sa duwa gikan sa pagsugod aron pag-ihaw sa Eyeberry, 98-69, samtang ang Gemmary nakasugat og makutas nga kumbati sa wala pa makab-ot ang 60-58 nga kadaugan batok sa Teri.

Ang Gio miposte og nuybe puntos, 23-14 sa first quarter ug wala na mahulga sukad niadto. Gitak-op nila ang first half pinaagi sa pagposte og 18 puntos nga labaw, 45-27 ug ilang namintinar hangtod nga napupos ang oras sa duwa.

Si Edmund Odullo miburak og 33 puntos, samtang upat sa iyang kaubanan mi-ariya og double digits. Si Dindo Sausa mipupo og 16 puntos, gisundan ni John Andrew Auza nga miani og 14 puntos, samtang si Tajanlangit ug team manager Jerry Guardo nagkumboya og 22 puntos sa maong kadaugan.

Sa laing aksiyon, ang Gemmary gibanatan sa unang-duha ka kuwarter, apan nakarekober sa sunod nga kuwarter aron pag-ilog sa labaw, 45-42 paghuman sa ikatulong kuwarter hangtod nga nasakmit ang una nilang daog.

Ang 2008 SCBHABA season gipaluyohan sab sa Uniherb Philippines, usa sa nag-unang health companies sa nasud nga tiggama sa nabantog na kaayong food supplements sama sa Arthro, Heartvit, Kidneycare ug Diabet.

Puntos Matag Usa

Unang duwa:

Gio (98) -- Odulio 33, Sausa 16, Auza 14, Tajanlangit 12, Guardo 10, Monterroyo 5, Pagapulaan 4

Eyeberry (69) -- Congson 19, Romero 16, Avila 12, Catubig 8, Villamor 7, Monsanto 7

Ikaduhang duwa:

Gemmary (60) -- Gacayan 19, T. Merced 18, Villarosa 11, Rebotlido 4, Nabua 2, Murillo 2, J. Merced 2, Monterroyo 2

Teri (58) -- Balangkig 22, Maninang 14, Cadampog 4, Patalinghug 4, Dalanon 4, Ceniza 2, Salvador 2, Ylanan 2. – BANAT NEWS