CEBU - Ang team RemEMBER ni Consolacion Vice Mayor Ember V. Alinsug nakasugakod sa mapintas nga hagit batok sa Flores Cousins aron pagkulit og 98-93 nga kadaugan sa ilang exhibition match didto sa Consolacion Sports Complex.
Una kining kapildihan sa Flores Cousins human sa ilang sunod-sunod nga kadaugan sa miaging duha ka semana.
Ang team RemEMBER nga gipaluyohan sab ni kanhi FEU star ug Poblacion Oriental Barangay Councilor Paul Alelu Q. Flores, nagkapuliki sa nanghinapos nga bahin sa duwa, apan nakalahutay gihapon aron pagsanta sa dautang tinguha sa Flores Cousins.
Ang goodwill encounter usa lamang sa mga kalihukan sa Consolacion Fiesta Cup Inter-Barangay Basketball League ug nagsilbe isip preliminary sa benefit game alang sa pamilya sa namatay'ng si Daryl Smith.
Puntos Matag Usa
RemEMBER (98) -- Medida 16, Valle 14, Somosot 10, Dahil 10, Ermac 10, Tudtud 8, Serra 8, Gonzaga 8, Dondon 8, Tibon 6
Flores Cousins (93) -- Mitchel 17, Junix 15, Niño 15, Dattan 12, Franklin 10, Kurt 8, Walter 6, Chao 6, Glydel 4. – BANAT NEWS