Cebuano darters pakyas

CEBU - Pakyas ang mga Sugbuanon pagkuha og susamang daog nga ilang nakuha sa miaging tuig ug mihakot lang kini og usa ka silver ug usa ka bronze sa 9th Masskara Open Darts Competition niadtong weekend didto sa Bacolod City.

Giseguro sa Bacoleño darters nga dili mapuhalan pag-usab sa mga Sugbuanon dihang miparada kini og daghang mga entrante nga nakapaluya sa mga Cebu darters.

Si Odong Pamatian igo lang misakmit og silver sa doubles competition uban sa katimbang gikan sa Bacolod.

Si William Encorporado, kinsa naipon sa laing duha nga taga-Bacolod, mitiltil og bronze sa three-man team competition.

Si Wennie Ocañada mitapos sa ikalima, samtang si Raymond Solas napunta sa ikaunom nga dapit sa singles competition, samtang si Pamatian nalabay sa ikawalo. – BANAT NEWS