Red, Blue teams nagtabla

CEBU - Ang Gold team mipukan sa Black, 85-81 aron pagposte sa ilang ikaduhang sunod-sunod nga kadaugan sa 28 Still Fighting Athletic Association (SFAA) Inter-Color basketball tournament niadtong Domingo didto sa CEC open court.

Ang sentro sa Gold nga si Tony Piloton mipakita na sab sa iyang maayong labok aron pagkulit og game-high 25 puntos lakip na ang 17 puntos sa final period. Misuporta sab si Jun Ando, kinsa mihagdaw og 22 puntos.

Sikit ang aksiyon sa unang duha ka kuwarter diin ang Black milabaw lang og uno punto sa halftime, 33-32, apan ang Gold hinay-hinay og patuasik sa ilang opensiba sa ikatulong kuwarter.

Sa laing duwa, ang Red milubong sa White sa iskor nga 96-71, samtang ang Blue mipukan sab sa Green 78-71.

Ang Red ug ang Blue nagtabla karon sa managsamang 1-1 win-loss records.

Sila si Ernie Batad ug Sammy Sacol nagkumboya og 42 puntos aron pangulohan ang Red.

Si Ben Pitogo maoy nangu sa Blue sa iyang 17 puntos, gisundan ni Johnny Viscayno nga adunay 16 puntos. Si Denie Pesquera nga mihipos og 22 puntos maoy nangu sa 2-0 nga Green.

PUNTOS MATAG USA

Unang duwa:

Gold (85) -- Piloton 25, Ando 22, Cleofe 10, Ponseca 6,Padillo 6, Fernandez 6, Bejaresco 6, Casquejo 2, Gelig 2

Black (81) -- Tan 20, Misa 20, Kyamko 10, Lumayag 8, Banilad 8, Ocampo 6, Edera 5, Dayondon 4,

Ikaduhang duwa:

Red (96) -- E. Batad 22, Sacol 20, Detuya 15, Yu 12, Torreon 7, Silva 6, Garcia 6, Estrada 4, Limatog 2, Bongon 2

White (71) -- Emol 17, Padin 12, A. Ladonga 10, N. Sabillano 9, Tecson 8, Cabangbang 6, Godinez 6, Lipua 2, Ceniza 1

Ikatulong duwa:

Blue (78) -- Pitogo 17, Biscayno 16, Ricarte 12, C. Estrada 6, Ladonga 6, T. Abanes 6, Mirasol 5, D. Abanres 4, Asher 4, Gallardo 2

Green (71) -- Pesquera 22, A. Sabillano 12, B. Batad 7, e. Batad 6, Desierto 6, Ladonga 4, Unabia 4, Espina 4, Sagayno 2  (BANAT NEWS)