CEBU - Labing menos 30 ka teams ang nisalmot sa 1st Unit III (Carbon Market) basketball tournament nga gibuksan niadtong miaging semana didto sa barangay Ermita open court, ning dakbayan.
Ang mga koponan gibahin sa tulo ka grupo -- juniors (20 years and below), seniors (20 years and above) ug 35 years and above categories.
Adunay upat ka duwa ang ipahigayon matag semana, apan sa higayon nga adunay pag-uwan ibalhin kini og laing petsa diin ang mga sakop sa committee maoy mopahibawo niini.
Ang torneyo nga kabahin sa mga kalihukan sa kapistahan sa ilang mahal nga patron St. Jude Thaddeus nahimo pinaagi sa paningkamot sa Unit III officers nga gipangulohan ni barangay Ermita councilor Domingo 'Jun' Ando, kinsa maoy chairman sa Sports and Entertainment Committee uban ni Weny Miro isip vice-chairman ug pinaagi sab sa pagtambayayong sa presidente sa CEMVEDCO Cooperative ug Ermita barangay councilor Erwin Goc-ong, Unit III Stallholders Association ubos sa ilang presidente nga si Lily Malazarte (vice president), Reynaldo Velasquez (secretary), Vivian Ando, Emily Despi (treasurers) ug Florita Bontuyan (auditor).
Ang mga board of directors sa Unit III basketball tournament committee naglakip nila ni Ermita barangay captain Felicisimo Rupinta ug barangay council, Clarisa Otadoy, Maria Castro, Rudy Fundar, Evelyn Ardiente, Luningning Laborte ug Ambrosio Lauron. (BANAT NEWS)