Growee 3-on-3 Inter-school hoop gitakda

CEBU - Ang Growee Pediatrica, Inc., ang tiggama sa Growee vitamins miawhag sa local collegiate teams pagsalmot sa Growee 3-on-3 Inter-school basketball tournament nga gikatakda karong Oktobre 18-19 diha sa Sacred Heart School-Jesuit (SHS-J) gym sa Gen. Maxilom Avenue, ning siyudad.

Si tournament director Rey Cañete ug ang event coordinator nga si Dareen Evangelista nagkanayon nga ang maong torneyo usa ka friendly competition alang sa mga bata nga nagpangedaron og 12-anyos ug paubos aron mabaid ang ilang talento.

Tumong sab sa maong torneyo mao ang paghatag og kalingawan alang sa mga batan-on nga may hilig sa basketbol.

Gawas sa ganting salapi ug tropeyo, ang top 4 teams makadawat sab og Growee vitamins ug uban pang gift items.

Alang sa dugang mga kasayoran, mahimong motawag nilang Cañete ug Evangelista sa mga numero 0919-5345907 ug 09226665651. (BANAT NEWS)