CIT (Hoop it Up) mihakot og duha ka daog

CEBU - Mihakot og duha ka daog ang Cebu Institute of Technology (Hoop it Up) basketball teams human gipukan ang tagsa-tagsa nila ka kaatbang sa 12 ug 17 years under categories sa   Hapee Online Basketball League 2nd Challenge Cup niadtong Domingo didto sa Guadalupe Sports Complex, ning siyudad.

Sa unang duwa, gilat-an sa CIT ang Cebu Eastern College (CEC) Dragons, 52-29 sa 12-year under, samtang ang ilang 17-under counterpart mikunis-kunis sa Saint Francis of Assissi, 115-52.

Unom ka players sa CIT Hoop It Up ang mi-iskor og double figures diin hapit katulo pil-a ang ilang nahimong iskor sa tibuok iskor nga nahipos sa ilang team. Si Mitchelle Tan sa CIT maoy napiling best player of the ballgame.

Sa main game sa triple-header, ang Indiana Aerospace University naka-eskapo bitbit ang 85-82 nga kadaugan batok sa St. Alphonsus Catholic School (SACS) sa 17-under class. 

Si Franklin Pepito sa Indiana mipabuto og 29 puntos nga igo na kaayo alang kaniya nga ilhong Merota Computech best player of the game.

Puntos matag usa

Unang duwa:

CIT (52) -- Abella 21, Cabigon 13, Jungoy 11, Heruela 6, Viodor 6, Turion 2, Paredes 2

CEC (29) -- Avis 14, Velano 4, Iton 4, Bulibuli 3, Cisneros 2, Cismeros 2

Ikaduhang duwa:

CIT (115) -- Tan 21, Caballero 17, Ugsang 14, Limalima 12, Abad 10, Sanchez 10, Mayone 9, Abos 8, Serrano 4, Jungoy 4, Abella 2, Campos 2, Denura 2

SFA (52) -- Enriques 18, Young 16, So 8, Mercader 8, Abregana 2

Ikatulong duwa:

INDIANA (85) -- Pepito 29, Abalde 27, Flores 12, Villafuerte 5, Quiñal 5, Alegre 4, Kelly 3, Casimero 2

SACS (82) -- Ogaru 23, Tipait 17, Sumalinog 14, Tumbica 6, Soronio 6, Pepito 5, Caña 4, Restacamonte 4, Reynes 2. - Gabby G. Malagar (BANAT NEWS)