Hatton pabor ni De la Hoya

CEBU - Chavez dapig ni Pacquiao duha ka mga inilang boksidor sa kalibutan nga sila si Ricky Hatton ug Julio Cesar Chavez Jr. adunay managlahing baruganan ug gidapigan atol unya sa away nilang Manny 'Pacman' Pacquiao ug Oscar 'Golden Boy' De la Hoya nga nag-ulohan og "Dream Fight" karong Disyembre 6 didto sa MGM Hotel and Casino sa Las Vegas, Nevada. Si Hatton nagkanayon nga daku ang purohan ni De la Hoya nga maoy modaog sa maong away. Nagtuo si Hatton nga maglisud gyud si Pacquiao tungod sa layo nga gintang sa gidak-on batok ni De la Hoya.

“I think Oscar wins. He’ll be too big,” matud pa ni Hatton.

Si Hatton usa sa mga boksidor nga buot makigsangka ni Pacquiao.

Sa iyang bahin, ang kanhi lightweight champion nga si Julio Cesar Chavez Jr. nipakita sa iyang dakung suporta ngadto sa Pinoy'ng boksidor.

Si Chavez kinsa napilde ni De la Hoya sa makaduha ka higayon alang sa welterweight belt niadtong 1996 ug 1998 nagkanayon nga iyang namatikdan nga mihinay na si De la Hoya.

Gisupak usab ni Chavez ang gisulti ni De la Hoya nga iyang pildihon si Pacquiao agi’g panimalos sa mga Mehikano.

"If he thinks beating Pacquiao will make Mexicans love him, he’s crazy," matud pa ni Chavez atol sa interview sa insidesports.ph . – BANAT NEWS