Atan Guardo nakabangon

CEBU - Nakabangon ang Atan Guardo human kini mi-collapse pagsugod sa duwa aron pagposte og 89-83 nga kadaugan batok sa Menolida sa Banawa Riverside Athletics Association Inter-Clan basketball tournament didto sa Banawa hardcourt.

Ang Atan Guardo nga nabiyaan sa unang 10 minutos sa duwa, 17-18, milusad og 24-7 run    pinaagi sa giya nilang Lloyd Chan ug Carlo Navaja aron pagbaton og 16 puntos nga bentaha sa halftime, 41-25.

Milusad sab og rally ang Menolida sa ikatulong kuwarter hinungdan nga napahakan ang labaw, 55-62, apan didto sa kutob ang ilang paningkamot kay miarangkada man sab ang Atan Guardo ang paglansang og sayes puntos nga kadaugan.

Sila si Ronron Santos ug Markie Ortiz mirehistro sab og double figures alang sa Atan Guardo nga adunay 10 puntos matag usa.

Ang Atan Guardo gipaluyohan sa Uniherb Philippines, usa sa mga nag-unang health companies sa nasud nga tig-apud-apod og food supplements sama sa Arthro, Heartvit, Kidneycare ug Diabet.