Niños mipaluhod na sab sa Taguig
CEBU - Usa na lang ka daog ang gikinahanglan sa M. Lhuillier Kwarta Padala-Cebu Niños aron maharos ang 2008 Smart-Liga Pilipinas Finals human nila gipilde ang Harbour Centre-Taguig, 78-69 sa Game-2 kagabii didto sa Cebu Coliseum.
Ang Cebu Niños nga nakabaton og homecourt advantage sa “best-of-five” final series gipaluyohan sa Rexona, Accel, Burlington, Molten, Metathione, Nature’s Spring, Pagcor Sports ug Laptop Phoneshop naglantaw og kompletong demolisyon sa Batang Global sa Game-3 ugma didto sa CP Tinga gym sa Taguig.
Kun modaog ang Taguig ugma, ang Game-4 magpabilin sa ilang balwarte ug kun magtabla ang serye, ang deciding Game-5 mobalik dinhi sa Sugbu.
Nabiyaan og singko puntos ang Cebu Niños sa sayong bahin sa duwa, apan milusad kini og 17-1 aron pagpapas sa labaw ug pag-angkon og siyete puntos nga bentaha sa first half, 37-30.
Si Paul Reguerra mitarok og sunod-sunod nga three-point shots aron giyahan ang Taguig sa opening salvo.
Milabaw ang Cebu og 16 puntos sa ikaduhang kuwarter, apan ang trayanggulo nilang Jonathan Aldave, Marvin Ortiguerra ug Boyet Bautista nagkurambos og 11 ka sunod-sunod nga puntos aron pagkitkit sa labaw, 31-28 sa nahabiling tres minutos sa first half.
Sila si Bruce Dacia ug Ron Capati maoy nangulo sa Cebu Niños nga adunay 13 puntos matag usa, gisundan ni Mark Ababon sa iyang 11 puntos.
Si Aldave, kinsa maoy nag-una sa tanang scorers maoy nangulo sa Taguig pinaagi sa iyang 15 puntos.
PUNTOS MATAG USA
Cebu (78) -- Capati 13, Dacia 13, Ababon 11, Aying 8, Padilla 8, Cavan 6, Mepaña 5, Saladaga 4, Enriquez 4, Berame 3, Basco 3
Taguig (69) -- Aldave 15, Rodriguez 11, Reguera 10, Bautista 9, Matias 7, Ortiguerra 6, Bomber 5, Gatumbato 4, Marquez 2
Quarterscores:23-11, 37-30, 58-49, 78-69 (BANAT)
- Latest
- Trending
