CESAFI semis

CEBU – Gikan sa walo ka teams niadtong Agosto 2, upat na lang karon ang nagpabiling buhi sa 8th season sa Cebu Schools Athletic Foundation, Inc. (CESAFI) basketball tournament diha sa Cebu Coliseum.

Dinhi atong nasuta kun kinsa gyud kadtong gi-ilang mga "serious “contenders ug ingon man kinsa sab kadtong mga “pretenders.” Bisa’g asa nga kompetisyon, aduna gyu'y gitawag nga “consistent winner” ug aduna’y “habitual loser.”

Pananglit, ang defending champion University of the Visayas (UV) Green Lancers nagsige og daog ug kanunay makampiyon. Sa milabay nga pito ka tuig sa kasaysayan sa CESAFI basketball, wala pay laing team nga midaog sa titulo kun dili ang UV Lancers lang.

Bisan og medyo mas huyang sila karon kun itandi sa mga nangaging mga katuigan, hapit tanang mga CESAFI coaches nagtumbok nga ang UV gyud gihapon maoy modaog sa korona.

Sa walo ka teams nga nagkumbati, ang UV maoy miguwang numero uno human sa elimination ug nakakuha sab og twice-to-beat advantage kauban ang University of San Jose-Recoletos (USJ-R) Jaguars, University of San Carlos (USC) Warriors ug University of Cebu (UC) Webmasters.

Ning umaabot nga best-of-three semifinals unya sa Septiyembre 18, mangayo ko’g pasaylo sa mga tag-iya ug mga presidente sa teams nga ako unang usbon ang mga ngalan sa eskuwelahan pinasikad sa ilang mga kalampusan ug kapakyasan karong tuiga. May kalabotan sab kini sa ilang gipakitang katakus sa ikawalo nga season ug mahimong mausab ang ilang mga ngalan sa sunod nga season.

* * *

Ania ang mga bag-ong ngalan sa mga CESAFI teams nga gipahauman og laing hubad sa SPORTSgab. Pinasikad kini sa ilang team standings:

UV -- Union of the Victorious

USJ-R -- Unless Such Journey is Rescheduled. Ang journey nga buot ipasabot dinhi ang ilang pagbiyahe unya ngadto sa finals nga dugay-dugay na nilang wala matilawi.

USC -- Unique Standard of Classification

UC -- Unheralded Champions

SWU -- Sometimes Winners have Ultimatum

DBTC -- Don’t Back-out Tough Competitions

USPF -- Unwavering Service to the People is Fantastic

CIT -- Cannot Intimidate Teams

Tungod kay ang CIT high school mas maayo man og rekord kumpara sa collegiate team, ania ang ilang hubad Coming In Tiptoe.

Tungod sab sa kagagmay sa USJ-R high school, ato sab silang hatagan og laing hubad. USJ-R -- Under Sized, Just Regroup (next year).

Ang Cebu Eastern College nga wala gyud sukad maka-abante sa semis gikan pa sa karaang CAAA, ang ilang hubad mao Come Enter (the Dragons) Come. Ang Cebu Doctors University ug Velez College mga sakop sab sa CESAFI apan wala pa sila’y team sa basketball karon. Bisa’g wala sila mosalmot sa basketball, misalmot sila sa laing events busa, ania ang ilang hubad -- CDU -- Cheers and Dances Unlimited ug ang VC -- Vibrant and Charming.

Sa kasamtangan nga wala pa dawata sa CESAFI ang Asian College of Technology (ACT) Cyber Knights, aduna sa’y kaugalingong hubad ang SPORTSgab ug kini mao ang ACT—Almost Coming There.

Aron makompleto, ato sab himoan og hubad ang CESAFI, Inc. — certainly, Serving All FIlipinos, In the Name of Christ.

* * *

Nakasaad ko sa akong amigo nga si Rey Yncierto, ang kanhi UC star guard nga atong hatagan og gamay nga pagtagad ang iyang duha ka batos gikan sa Los Angeles, California nga iyang girekomendar sa UC aron tabangan ang ilang kampanya alang sa korona. Sila mao si Kevin Quilantang ug si Edward Pao.

Ug aron ila gyung masabtan, himoon natong English ang atong pagsaludo kanila.

Quilantang is a scrappy guard who perhaps not as quicker as the other CESAFI guards, but he is a well calculating guard. He fits in the adage “slow but sure”. He was the hero of the UC-SWU Cobras game because had it not for his crucial triple, the Webmasters would have been eliminated today.

On the other hand, Pao who is Quilantang’s buddy, is a tall offguard who used to mimic the moves of Mark Caguioa. He is a plus factor to UC because he can compliment with 6-9 Jun Mar Fajardo in the rebound department. Congrats guys. – BANAT NEWS