Gray, 5-2 na sa BAR Cup

CEBU- Ang Gray team nga gipangulohan ni businessman Allan Lim midaog batok sa   Green team, 91-82 aron pagbaton og 5-2 nga baraha sa Basketball Association of Ramos (BAR) 2nd Conferene Inter-color tournament didto sa Cogon Ramos Sports Complex.

Sikit kaayo ang unang duha ka quarters diin natapos ang first period sa usa ka low-scoring, 12-10 pabor sa Gray ug dili sab kaayo biya ang iskor paghuman sa halftime, 38-36.

Sa third period, gipahugtan sa Gray ang ilang depensa ug didto nagsugod kalami ang ilang opensa ilang aron pagkuha’g 71-65 nga bentaha ug wala na kini mohatag og higayon nga mosikit pa ang Green.

Si Felicitas mipasulod og duha ka triples nga maoy nakaluwas sa Gray, apan si Lito Navarro maoy nangu sa maong kadaugan pinaagi sa iyang 21 puntos, samtang si Bebot Dysam mao sab ang nangu sa Green sa iyang 19 puntos.

Puntos Matag Usa

Gray (91) -- Navarro 21, Jumamil 16, Alesna 15, Felicitas 12, Lim 11, Pilapil 10, Apa 2, Cobacha 2, Salaritan 2

Green (82) -- Dysam 19, Zamora 16, Rama 14, dela Cruz 12, Tudtud 7, Quintana 7, Sabay 7. - Banat News