Slaughter vs. Fajardo sa CESAFI All-Star

CEBU - Magpinaksitay na ang mga maayong laking magduduwa sa collegiate ug high school sa ipahigayong 8th Cebu Schools Athletic Foundation, Inc. (CESAFI) Light vs. Dark All-Star Games karong adlawa diha sa Cebu Coliseum.

 Ang All-Star Game magsugod pinaagi sa usa ka dance number gikan sa University of Cebu (UC) Dance Company sa ala-1:00.

Ang collegiate showdown motimaan sa ikaduhang panag-abot sa duha ka mga higante sa liga nga si 6-foot-11 Gregory Slaughter sa University of the Visayas (UV) Green Lancers, ang starting center sa Light Team nga mopakita sa iyang abilidad batok ni 6-foot-9 Jun Mar Fajardo sa University of Cebu (UC) Webmasters nga mao sab ang mangulo sa Dark Team.

Uban ni Slaughter isip Light starters mao ang iyang teammates nga sila si Von Harry Lanete ug Junjun Lasala ug sila si Alfred Belande ug Clifford Maguate sa Southwestern University (SWU) Cobras. Sa laing bahin, ang starting five sa Dark Team naglakip ni Fajardo ug Edward Pao sa UC, Armand Ponce, Luther Justiniani ug Jan Malinao sa University of San Jose-Recoletos (USJ-R) Jaguars. Hinuon wala pay segurong makaduwa si Pao kay miuli kini sa Bohol tungod sa kamatayon sa iyang uyoan.

Ang laing mga players alang sa Light Team mao sila si Harold Cincoflores, Chris Victor Diputado, Ritchum Dennison ug Bonifer Sendrijas sa UV, Paul Joven, Sam Hermosa, Giovanni Padillo, Joven Cid Cortes, John Emel Rowe ug Michael Cantonao sa USC. Ilang coach mao si Elmer ‘Boy’ Cabahug sa UV.

Samtang ang nikompleto sa Dark Team mao sila si Jabe Delfino, Lyndon Gudez, Mannie Gabas ug Kurt Amores sa USJ-R, Kevin Quilantang ug Janssen Abella sa UC, Rudolfo Enterina, Jr. Jun Colegado ug Ricmar Perturbos sa Don Bosco Technological Center (DBTC) Greywolves ug si Randy Avila ang bugtong representante sa University of Southern Philippines Foundation (USPF) Panthers. 

Ang ilang mentor mao si Edito Salacut sa USJ-R.

Sa high school, ang Light Team gilangkuban nilang Alvie Cabañero, John Michael Auditor, Aldwin Felisario, Glennson Ybañez, Raffy Octobre ug Llenes sa UV, Danilo Belangel, Marion Joseph Bollozos ug Lawrence Ruiz sa DBTC, Peter Cañete ug Ferraren sa USPF, Clint Muñez, del Rosario ug del Socorro sa USJ-R.

Mo-coach kanila mao si Delfin ‘Jun’ Pepito .

Komposisyon sa Dark Team mao sila si Gerald Ampoon, Alfred Codilla, Zandro Palileo ug John Marty Pearce, Pogoy ug Taboada sa UC, Mark Tallo Jr., Jeffrey Taghoy, Getalla ug Sanchez sa Cebu Institute of Technology (CIT), Chino Uy, Kim Jordan Nuñeza, Kim Adrian Reyes ug Sepe sa University of San Carlos (USC) ug Miranda-Sy sa Cebu Eastern College (CEC).

Ang coach mao si Reggie Licanda sa UC.

Atol unya sa intermission sa duwa sa secondary, adunay pagahimuon nga slam dunk contest ug 3-Point Shootout. – Banat News