AoE mi-abli og duha ka klase kagahapon
CEBU - Ang Academy of Eskrima (AoE), ang labing una ug bugtong martial arts training school nga giila ug rehistrado sa Philippine government pinaagi sa Technical Education Skills and Development Authority (TESDA), niabli og duha ka klase kagahapon didto sa Doce Pares International headquarters sa Eagle Street sa Sto. Niño Village sa barangay Banilad, ning siyudad.
Si AoE Vice President Gerald Cañete nagkanayon nga naghan-ay sila og duha ka classes alang sa lokal ug langyaw’ng mga tinun-an.
“We will have two classes everyday. One for Filipino students and another for foreigners who want to avail a special learning session,” matud pa ni Cañete.
Ang special class nga molungtad og duha ka bulan alang lamang sa foreign-based eskrima enthusiasts nga nakasuway na.
Ang regular class himuon sa gikan sa alas-2:00 hangtod sa alas-5:00 sa hapon, samtang ang special class gikan sa alas-5:00 sa hapon hangtod sa alas-7:00 sa gabii.
- Latest
- Trending
