T. Padilla milangkat championship trophy
Gitabangan og pas-an sa Brgy. T. Padilla ang korona sa kampiyonato human nila gilubong ang Brgy. Hipodromo sa bag-o lang natapos nga 1st Mary Ann de los Santos Inter-Urban Basketball Cup 2008 didto sa Hipodromo Sports Complex, ning siyudad.
Mainitong duwa ang gipakita sa duha ka koponan diin nagpuli-puli kini'g tisok og mga puntos hinungdan nga nagtabla ang iskor, 17-all paghuman sa first quarter.
Bisan pa sa ka kritikal sa duwa, nahimo pa sa T. Padilla ang pagpamunit og mga puntos hinungdan nga ilang nabuak ang panagtabla dayong pagposte og 11 puntos nga labaw, 47-36 sa halftime.
Sila si Jun-Jun Compra ug Sonny Caytuna nga pulos nanginit sa ikatulong kuwarter migiya sa T. Padilla ngadto sa dalan sa kalamposan. Si Caytuna mikulit og 20 puntos, samtang si Compra mihipos og 19 puntos.
Ang maong torneyo gipasiugdahan ni Lahug Brgy. Capt. Mary Ann de los Santos uban sa suporta ni Titing Biton, kinsa maoy tsirman sa maong kalihukan.
Puntos Matag Usa
T. Padilla (85) -- S. Caytuna 20, J. Compra 19, Chon 13, R. Bontuyan 13, L. Palang 7, James 6, Taos 5, dela Peña 2.
Hipodromo (63) -- Oliveros 15, Gaviola 12, Apostol 8, Arellano 6, Buenavista 5, Ramires 4, Basnillo 4, Tobes 3, Jakosalem 3, Allere 3
- Latest
- Trending
