CEVA mo-host lima ka adlaw'ng seminar

CEBU - Ang Cebu Volleyball Association (CEVA) mopahigayon og lima ka adlaw nga Volleyball Referee’s Attestation Course karong Septiyembre 9-13 diha sa Cebu Provincial Capitol Social Hall.

Ang course maoy mo-qualify sa mga partisipante alang sa Referees Congress nga mogiya nila ngadto sa estado sa usa ka National Referee kun sila makapasar. 

Ang makapasar dapiton sa CEVA nga maoy mo-officiate sa umaabot nga Governor Gwen Garcia Unity Volleyball (GUV) Cup for Women aron ma-expose sila sa aktuwal nga duwa agi’g pagpangandam alang sa National Referees Congress sa 2010.

Tulo ka mga international referees ang mopahigayon sa course nga sila si Philippine Volleyball Federation (PVF) referees commissioner Vic Abalos, PVF coach commissioner Roger Branzuela ug Liberato

Denito.

Gi-awhag sa CEVA ang tanang physical education teachers gikan sa nagkalain-laing mga unibersidad sa Sugbu ug ingon man niadtong interesadong moapil sa lima ka adlaw nga seminar.

Ang seminar sugdan sa alas-8:00 sa buntag hangtod sa alas-5:00 sa hapon.

Ang registration fee nagkantidad og P 2,000 libre na ang breakfast, lunch ug duha ka snacks sud sa lima ka adlaw nga seminar, FIVB referees modules ug official PVF National Referee Candidate identification card.

Alang sa dugang mga kasayoran, mahimong motawag ni Judith Bonita sa (032) 253-3989 o dili ba 0917-6209289.