Bautista undercard sa Pacquiao-De la Hoya showdown
CEBU - Segurado nga moaway si WBO Intercontinental super bantamweight champion Rey 'Boom-Boom' Bautista sa undercard sa gikahinamang away nilang Filipino ring icon Manny 'Pacman' Pacquiao ug Oscar 'Golden Boy' De la Hoya karong Disyembre 6 didto sa MGM Grand sa Las Vegas.
Ang vice president sa Golden Boy Promotions ug international matchmaker nga si Eric Gomez, mitug-an sa www.insidesports.ph nga ilang ilakip si Bautista sa undercard sa Pacquiao-de la Hoya fight.
Magsilbe kining follow-up fight ni Bautista human sa malampuson niyang pagdepensa sa iyang WBO International superbantamweight title pinaagi sa pagpaundang sud lang sa second round sa Mehikanong si Eden 'Anestesista' Marquez niadtong Sabado sa "WBO Night of Champions" didto sa Waterfront Hotel and Casino.
Giklaro hinuon ni Gomez nga ang away ni Bautista karong Disyembre walay titulo ug magsilbe lang kini nga preparasyon alang sa umaabot niining world title fights.
- Latest
- Trending
